آذربایجان پئشهلر مۇزه‌سی (موزه مشاغل آذربایجان)نین اشیاسی حراجا قوْیۇلدۇ تبریز پئشهلر مۇزه‌سی‌نین تایێ بنزری اوْلمایان نادر اشیالارێنێ تالان و تاراجدان قۇرتارماق ایچۆن اۇزۇن مدتلی تلاشلارا رغماً، آذربایجانێن معاصر تاریخی‌نین تالاندان نجات وئرمه‌سینه تکجه ۲۴ ساعت وقت قالدێ!آذر انجمن‌ین وئردیگی راپوْرا اساساً، تبریز شهری‌نین گئچمیش شهر مدیرلری‌نین وئردیگی سؤزلر و آنلاشمالار اساسێندا پئشهلر مۇزه‌سینی قۇران تبریزین […]
آذربایجان پئشهلر مۇزه‌سی (موزه مشاغل آذربایجان)نین اشیاسی حراجا قوْیۇلدۇ
تبریز پئشهلر مۇزه‌سی‌نین تایێ بنزری اوْلمایان نادر اشیالارێنێ تالان و تاراجدان قۇرتارماق ایچۆن اۇزۇن مدتلی تلاشلارا رغماً، آذربایجانێن معاصر تاریخی‌نین تالاندان نجات وئرمه‌سینه تکجه ۲۴ ساعت وقت قالدێ!آذر انجمن‌ین وئردیگی راپوْرا اساساً، تبریز شهری‌نین گئچمیش شهر مدیرلری‌نین وئردیگی سؤزلر و آنلاشمالار اساسێندا پئشهلر مۇزه‌سینی قۇران تبریزین تانێنمێش صنعتکارێ، کلکسیوْنِری و مۇزه قۇرۇجۇسو، رضا سرابی اقدم، اوْ چاغێن مدیرلری‌نین خلف وعده‌لری اۆزۆندن وار یوخدان چئخیپ هر شیئینی الدن وئردی. ایندیسه بۇمجمۇعه‌نێن تاریخی اشیاءلاری ساده‌جه ۲۵۰ میلیون تومنه مزایده‌یه قوْیۇلۇپ و مزایده‌ده اشتراک ائدن تکجه بیر نفر مزایده‌نی قازانیپ!بۇ رقم یارین، یکشنبه‌یه کیمی تامین اولونماسا، آقای سرابی‌نین اوْتۇز بئش ایل ایچینده بؤیوک امک ایله یێغێپ بیر آرایا گتیردیگی تبریزین تاریخی اثرلری و آذربایجانێن فرهنگی میراثی تالان اوْلۇپ یوْخا چێخاجاق.تبریزین اقتصادی فعّاللاری، ادعالارین رغماً، بو توپراقدان بارێندێقلارێنی سانکیم اۇنۇدمۇشلار و هیچ بیری‌نین دیییه‌سن مُلک و ملّت قبالێندا هیچ مسئولّت حسلری قالمامێش!بو اۆزدندیر کی، نخجوانیلر، صدیقانیلر، کۇزه کُنانیلر، ختاییلر و … کیمی بؤیۆکلرین آد سانێ تاجر و سرمایه صاحبی کیمی دگیل، بو دیارێن تاریخینده ایز بؤراخانلار کیمی قالارغێ اوْلۇپ.
